10+ Contoh Geguritan Bahasa Jawa Tema Pendidikan
MLETRE.com – Puisi Jawa bertema pendidikan telah menjadi ekspresi apresiasi siswa terhadap dunia pendidikan dan penghormatan mereka terhadap para pendidik, yang tak lain adalah para guru.
Dalam puisi ini, juga terselip penggambaran tentang lingkungan sekolah, pengalaman belajar di bangku sekolah, perjuangan seorang pelajar, dan harapan mereka untuk kemajuan dunia pendidikan saat ini.
Geguritan bertema pendidikan dalam budaya Jawa seringkali dibacakan saat peringatan Hari Pendidikan Nasional, yang jatuh pada tanggal 2 Mei setiap tahunnya. Guru-guru Bahasa Jawa biasanya memberikan tugas kepada siswa-siswa mereka untuk membuat geguritan yang akan dibacakan di depan kelas.
Berikut adalah beberapa contoh geguritan Jawa bertema pendidikan yang kami rangkum dari berbagai sumber:
Geguritan Pendidikan Sekolah
Ujian Sekolah
Apa ingkang kudu sira udi
Dimen bisa lolos
Yen wus cedhak wektu ujian sekolah
Aja dolan kang ora migunani
Antuk biji becik,ayo sinau
Tanggung jawab bisa lulus
Aja nglokro yen durung kasil
Bisane kelakon
Gegayuhan kang di karepake
Kulinakno tumindak kang becik
Aja kanggo pribadi
Wajib lung tinulung
HP (Handphone)
Saiki wus jamane
Saben titah duwe HP
Prasasat dadi kebutuhane
Saben rina lan wengine
Bocah-bocah ing pawiyatan
Lan sapa wae kang ngayahi pakaryan
Nggunakake HP dadi padinan
Yen kelalen dadi klabakan
Anane HP suwe-suwe kaya candu
Yen ora ana HP menyang sirah ngelu
Malah kepara agawe nesu
Wong saomah bisa padu
Krana HP bocah sekolah lirwa sinaune
Mung dolanan kagawa dening sakancane
Nora nggape sapa kang ana sakiwa tengene
Lali mangan lan sembarange
HP minangka srana pratandha majune jaman
Migunani uga nuwuhake kapitunan
Kudu ngati-ati lan aja nganti sembranan
Murih HP dadi srana anggayuh kautaman.
Sekolah
Saben esuk aku budhal menyang sekolah
Mung ngandhalake sepeda kunaku
Kepinginanku bisa entuk pendidikan kang faedah
Kanggo nggayuh cita-citaku
Aku seneng dadi bocah sekolah
Bisa entuk ilmu ingkang berkah lan manfaat
Kang migunani kanggo nusa lan bangsa
Kang bisa nerusake cita-citane bangsa
Sekolahku
Panggonanku nuntut ilmu
Budhal ora tau nesu
Tangi esuk kui wis kewajibanku
Nyangklong lan nggawa buku
Tanpa sarapan lan sangu
Ora lali sragam lan nganggo sepatu
Mlaku bareng-bareng kancaku
Panas lan udan tak lakoni
Kali tansah dak sabrangi
Tekan sekolah banjur nggeret kursi
Ora akeh wong kang mangerteni
Kabeh kui gawe semangat ing ati
Aku penerus bangsa sejati
Muga-muga Gusthi Allah ngijabahi
Lan peduli
Geguritan Tema Pendidikan Guru
Guruku
Aku saben dino nganggo seragam
Aku arep budhal sekolah
Tekan dalan dipoyoki kancaku
Guruku saben dino kesel
Amarga aku ora tau mlebu sekolah
Aku sering bolos lan colut
Guruku saben dino tekan sekolah
Kanggo menehi tugas lan ngajar
Supaya murid-murid dadi pinter
Kelingan Guruku
Guruku.....
Panjenengan sing dadi pepujanku
Paring elmu ora nyawang wektu
Wayah esuk tekamu
Panase srengenge ora dadi opo
Kesele ragamu ora dirasa
Larane atimu tansah ditampa
Nanging panjenengan tetep sereh lan sabar
Tansah kelingan swaramu
Pituturmu ora bakal dak lali
Supaya aku dadi bisa dadi bocah kang migunani
Kelingan paribasan
Ing ngarsa sung tuladha
Ing madya mangun karasa
Tut wuri handayani
Ora bisa mbales kabecikanmu
Kabeh kuwi kerana ikhlasing ati
Matur agunging panuwun guru
Pangorbanan Guruku
Guruku, panjenengan mulang tanpa pamrih
Panjenengan mulang kanthi sabar
Panjenengan dijuluki pahlawan tanpa tanda jasa
Panjenengan ngurbanake jiwa lan raga
Panjenengan mulang kanthi welas asih
Guruku
Panjenengan nduweni jasa kang gedhe
Tumrap para siswa
Maturnuwun guruku
Lir ombake banyu
Nyurung kabecikan lan ilmumu
Pancen gedhe pangurbananmu
Marang Guruku
Guruku...
Panjenengan mulang sabendino
Kadya pepadhang sing ora kesel
Panjenengan mulang kanthi tenanan
Guruku...
Kanthi sabar panjenengan mulang
Panjenengan mulang tanpa tandha jasa
Maturnuwun guruku
Nalika aku rame
Panjenengan kanthi sabar mulang muridmu
Maturnuwun guruku
Aku bakal ngeling jasamu
Geguritan Tema Lingkungan Sekolah
Panggon Pamulangan
Bangunan kang megah
Ngadeg ing kecamatan kawedanan
Dadi tujuwane siswa-siswa
Sing arep golek ilmu kanggo sangu tuwa
Saben dina
Aku tansah ana njero ruanganmu
Ngrungokake piwulange bapak ibu guru
Apa sing kudu digugu lan ditiru
Tambah dina tambah marem atiku
Sekolah neng SMP Negeri satu
Sing kawentar gurune
Kapang Sekolah
Kursi kelasku..
Wis sawetara aku kaya ora tepung marang Kowe
Kamangka wingi uni
Saben dina daklungguhi
Ngancani aku maca buku
Dadi mitraku kalaning nyemak piwulang guru
Saiki...
Embuh wujud kaananmu
Mbokmenawa minangka gantiku
Kemangga kang ngrajut sawang
Dak entha ing pangangenku
Reget...
Babar pisan nora resep dinulu
Muga wae luput ing pikirku
Dhuh Gusti.....
Mugi enggal Paduka racut bebendu puniki
Wangsul ayom ayem anelahi
Kula sampun kapang sekolah
Kepingin pinanggih guru
Gegojegan para kanca
Ngupadi ngelmi kanthi Sayekti
Rikala sinau ing pawiyatan..
Duk semana...
Saben-saben kepingin bali
Saben-saben kepingin prei
Nanging nyatane...
Kesuwen ing omah, sumpeg
Kadangkala guru katon galak paring piwulang
Nanging maksih cinampur guyon maton...
Nyatane, piwulang saka mamak
Saka Bapak...
Luwih kebak galak
Dhuh kahanan..
Aku pengin bali ing pawiyatan
Sepatuku
Sepatuku sing elek dhewe
Sing tak gawa mrana-mrene
Sepatu iki tansah lethek
Ora koyo rupane sepatu meneh
Tapi sepatu iki sing paling berharga
Kanggo aku
Yen esuk tak gawa sekolah
Gawe nuntut ilmu
Yen awan tak gawe kerja
Gawe nguripi keluargaku
Sepatuku sing elek iki
Tak simpen nganti tekane pati
Sepatuku...sepatuku
Kowe gawe ayemme atiku
Geguritan Jawa Tema Pendidikan Singkat
Sinau Mandiri
Byar ...mripat iki nyawang padhange surya
Nyaut andhuk bablas ning jedhing
Dina iki dina kang tak anti- anti
Mangkat sekolah kanti bungahing ati
Dalan-dalan kang tumapak ,katon asri ijo royo- royo
Gawe tentreme ati
Kae...papan kang tak tuju, papan kanggo sinau
Katon endah nyemsemake ati
Ya ing kene iki aku digladhi
Dadiya pemudha kang mandiri
Sekolahku
Sekolahku...
Kepriye kabarmu Sekolahku?
Apa kowé ora kangen marang aku Sekolahku?
Aku wis kangen banget marang sliramu
Sekolahku...
Kapan aku bisa ketemu sliramu?
Mapan ing bangkumu?
Ketemu kanca kancaku
Lan ngudi kawruh sareng bapak ibu guruku
Sekolahku...
Panggonanku nuntut ngilmu,
Ngilmu kanggo sanguku bebrayan
Ngilmu kanggo budi pekerti
Ngilmu kanggo nelukake donya...
Aku kangen sliramu sekolahku
Kridanipun Sang Guru
Saderengipun wanci bangun
panjenengan sampun wungu
luru ilmu
kangge kawula angsu
Dumugi sekolah, regol dereng kabikak
bapak ibu sigrak tumindak
cecawis samukawis sarwa pepak
supados wawasan samsaya ngeblak
Bapak ibu guru kang satuhu
asring kawula mboten nggugu
sih tresna panjenengan estu
paring pangaksama lan pangestu
Sakehing budi ndadosna daya
sakehing upaya ndadosna karya
sakehing karsa ndadosna digdaya
guru juru jejeging bangsa
Geguritan Tema Pendidikan 2 Bait
Mengeti Dino Pendidikan
Saben tanggal loro Mei
Utamane ing kalangan pendididikan
Mengeti dino kang kebak sejarah
Amarga...
Saka perjuangane Ki Hajar Dewantara
Kabeh bangsa Indonesia
Ora mung wong kang
Pangkat dhuwur, sugih banda
Nanging kabeh lapisan masyarakat
Bisa ngangsu kawruh
Golek ilmu kang dhuwur
Sekolahku
Sekolahku
Anggonku ngudi ilmu
Anggon konco-koncoku ngudi ilmu lan
Anggon guru-gurukuu menehi ilmu
Sekolahku
Saben dino aku tumeka
Nitih sepeda
Mangkat isuk mulih awan
Mengkono saben dinane
Sekolahku
Ora bosen aku tumeka
Kanggo ngudi ilmu
Kanggo nggolek prestasiku
Kanggo mbesok masa depanku
Penutup
Geguritan Bahasa Jawa bertema pendidikan adalah cara indah untuk mengungkapkan apresiasi terhadap dunia pendidikan dan para guru.
Melalui puisi-puisi ini, siswa dapat menyampaikan pesan-pesan penting tentang pentingnya pendidikan, semangat belajar, dan harapan untuk masa depan yang lebih baik.
Semoga contoh-contoh geguritan di atas dapat menginspirasi Anda dalam menghormati dunia pendidikan dalam bahasa Jawa yang indah.
Berkomentarlah dengan Bijak dan Sopan!